SAHAR

عراق کے وزیر اعظم نے کہا ہے کہ بغداد نے ایران اور سعودی عرب کے نظریات کو قریب لانے میں اہم کردار ادا کیا ہے۔

سحرنیوز/ایران: فارس نیوز ایجنسی کے مطابق، عراق کے وزیر اعظم مصطفی الکاظمی نے کہا ہے کہ  بغداد نے ایران اور سعودی عرب کے نظریات کو قریب لانے میں اہم کردار ادا کیا ہے اور بغداد میں دونوں ممالک کے درمیان مذاکرات میں پیشرفت ہوئی ہے۔

اسی سلسلے میں سعودی عرب کے وزیر خارجہ فیصل بن فرحان نے گزشتہ ماہ یہ کہا تھا کہ ایران اور سعودی عرب کے درمیان مذاکرات میں پیشرفت ہوئی ہے تاہم یہ کافی نہیں ہے۔ البتہ ان کا کہنا تھا کہ ایران کے ساتھ دوستی کیلئے ہم نے ہاتھ آگے بڑھایا ہے۔

اس سے قبل نیویارک کے سوفان سینٹر فار سیکیورٹی اسٹڈیز نے ایک رپورٹ میں ایران اور سعودی عرب کے درمیان مذاکرات کے پانچویں دور کا جائزہ لیا تھا اور اس میں پیشرفت کا اعلان کیا تھا۔