SAHAR

غزہ پر صیہونی جارحیت کا دندان شکن جواب دیتے ہوئے استقامتی محاذ نے جو کارروائیاں کیں، ان میں کم از کم 60 صیہونیوں کے زخمی ہونے کی خبر ہے۔

فلسطین الیوم کی رپورٹ کے مطابق اسلامی استقامتی محاذ نے اسرائیل کے حملوں کا بھرپور جواب دیتے ہوئے تل ابیب، بن گورین ایئر پورٹ اور مقبوضہ علاقوں پر راکٹوں اور میزائلوں کی بارش کردی جس کے نتیجے میں 60 صیہونی زخمی ہوئے جنھیں مختلف ہسپتالوں میں داخل کیا گیا۔

واضح رہے کہ غزہ پر قدس کی غاصب و جابر صیہونی حکومت کی جارحیت اور حملوں میں 46 فلسطینی شہید اور 360  زخمی ہوئے۔ شہید ہونے والوں میں 16 بچے بھی شامل ہیں جبکہ دسیوں زخمی بھی ہوئے ہیں۔