سعودی عرب؛ جدہ میں خودکش حملہ
Aug ۱۲, ۲۰۲۲ ۲۰:۵۱ Asia/Tehran
سعودی عرب کے اندرونی سلامتی کے کمانڈر نے جدہ میں ایک خود کش حملہ ہونے کی خبر دی ہے۔
الجزیرہ ٹی وی چینل کی رپورٹ کے مطابق سعودی عرب کے اندرونی سلامتی کے کمانڈر نے اعلان کیا ہے کہ جدہ میں ایک شخص نے خود کو اُس وقت دھماکے سے اڑا دیا جب سکیورٹی فورسز نے اُسے گرفتار کرنے کی کوشش کی۔
بتایا جاتا ہے کہ خودکش حملہ آور ایک سعودی شہری تھا جو ۲۰۱۵ کے مبینہ بم دھماکہ کیس میں مطلوب تھا۔ اس دھماکے میں حملہ آور ہلاک جبکہ چار دیگر افراد زخمی ہو گئے جن میں تین سعودی سیکورٹی اہلکار کے علاوہ ایک پاکستانی شہری بھی شامل ہے۔
ابھی اس خبر کی مزید تفصیلات کا انتظار ہے۔
