SAHAR

طالبان مخالف گروہ کے رہنما احمد مسعود نے عالمی برادری سے افغانستان کے مستقبل کا راستہ تلاش کرنے کی اپیل کی ہے۔

یورو نیوز کو انٹریو دیتے ہوئے افغان جہادی لیڈر احمد شاہ مسعود کے بیٹے احمد مسعود کا کہنا تھا کہ عالمی برادری کو افغانستان کی موجودہ صورتحال سے ناراض افغان دانشوروں کے ساتھ مل کر مستقبل کا راستہ تلاش کرنا چاہیے۔ 
احمد مسعود نے کہا کہ دنیا کو نہ صرف طالبان کے مقابلے میں ڈٹ جانا چاہیے بلکہ افغانستان کے مسئلہ کا حقیقی حل تلاش کرنے کے لیے تمام دھڑوں سے رابطے بھی کرنے چاہییں ۔ 
احمد مسعود کا کہنا تھا کہ طالبان کے خلاف جنگ کے سوا کوئی راستہ نہیں ہے۔ 
انہوں نے کہا کہ طالبان بقول ان کے اپنے رویئے میں تبدیلی اور وسیع البنیاد حکومت کے قیام میں کوئی دلچسپی نہیں رکھتے۔