SAHAR

افغانستان میں طالبان انتظامیہ کی پولیس کے مطابق، داعش کے دو اہم دہشت گردوں کو ہلاک کردیا گیا ہے۔

افغانستان کے صوبہ کنر میں تعینات طالبان پولیس کمانڈر عبدالحق حقانی نے کہا ہے کہ ایک کارروائی کے دوران داعش دہشت گردوں کے دو کلیدی عناصر کو ہلاک کردیا گیا ہے۔ یہ کارروائی افغانستان کے مشرق میں واقع شیگل شہر میں انجام پائی ہے۔ 

انہوں نے کہا کہ ہلاک ہونے والے داعشیوں کی شناخت صفت اللہ المعروف رضوان اور عبدالرحمان کے طور پر ہوئی ہے۔ بتایا گیا ہے کہ ہلاک ہونے والے عناصر کا شمار داعش کی نام نہاد عدالت کی اعلیٰ انتظامیہ سے تھا۔