SAHAR

غاصب صیہونی حکومت کی فوج نے اعتراف کیا ہے کہ پیر کے روز ہونے والی جھڑپوں میں دو اسرائیلی فوجی زخمی ہوئے ہیں۔

سحر نیوز/ عالم اسلام: صفا نیوز کی رپورٹ کے مطابق صیہونی فوج نے ایک بیان میں اعلان کیا ہے کہ اسرائیلی فوجی اہلکار، عبد الرحمان عکوبہ نامی ایک فلسطینی کو گرفتار کرنے نابلس میں داخل ہوئے تھے جہاں انھیں فلسطینیوں کی مزاحمت کا سامنا کرنا پڑا اور پھر شدید جھڑپیں شروع ہو گئیں جن میں اسلحہ بھی استعمال ہوا اور دو فوجی زخمی ہو گئے۔

صیہونی فوج کے بیان میں کہا گیا ہے کہ یہ دونوں فوجی اس وقت زخمی ہوئے جب اس فلسطینی کو گرفتار کر کے اسرائیلی فوجی علاقے سے باہر نکل رہے تھے کہ فلسطینیوں نے فائرنگ شروع کردی اور ایک افسر اور صیہونی سپاہی زخمی ہو گیا۔