اقوام متحدہ نے طالبان کے وزیر خارجہ کی سفری پابندی ختم کر دی
May ۰۲, ۲۰۲۳ ۱۰:۰۴ Asia/Tehran
اقوام متحدہ کی سیکورٹی کونسل کی کمیٹی نے طالبان کے وزیر خارجہ کو پاکستان سفر کرنے کی اجازت دی ہے جہاں پر وہ پاکستان اور اس کے بعد چین کے وزیر خارجہ سے ملاقات کریں گے۔
سحرنیوز/عالم اسلام: روئیٹرز کی رپورٹ کے مطابق اقوام متحدہ کی سیکورٹی کونسل نے طالبان کے وزیر خارجہ ملا امیر خان متقی پر لگی سفری پابندی ختم کر دی ہے۔
اقوام متحدہ سے پاکستان نے طالبان کے 15 رکنی وفد کو سفر کی اجازت دینے کی درخواست دی تھی جو 6 سے 9 مئی تک قابل عمل ہو گی تاکہ طالبان کا وفد پاکستان اور چین کے وزراء خارجہ سے ملاقات کر سکیں۔اس سے پہلے پاکستان اور چین کے حکام نے سی پیک منصوبے میں افغانستان کی شمولیت پر خوشی کا اظہار کیا تھا۔
یاد رہے کہ دوحہ میں افغانستان کے مسئلے کے حل کے لئے 25 ملکی اجلاس جاری ہے لیکن اس اجلاس میں طالبان کو شرکت کی دعوت نہیں دی گئی ہے۔
