SAHAR

عراق کے شمالی علاقوں کو بچے کھچے داعشی عناصر سے پاک کرنے کی وسیع کارروائی کا آغاز ہوگیا ہے۔

سحرنیوز/عالم اسلام: عراقی نیوز چینل العہد کے مطابق، منگل سے شروع ہونے والی اس کارروائی میں عوامی رضاکار فورس کی ایک بریگیڈ عراقی فوج کے شانہ بشانہ موصل کے مغرب میں واقع تلعفر شہر میں داخل ہوگئی ہے۔ وہاں محلوں کو تکفیری عناصر سے پاک کیا جا رہا ہے۔  بتایا جا رہا ہے کہ تلعفر کے مضافات میں واقع دیہی علاقوں کی گھر گھر تلاشی کا سلسلہ جاری ہے۔ 
صوبہ نینوا کے المسئولیہ شہر میں بھی داعشی سلیپر سیلز کا صفایا جاری ہے۔  قابل ذکر ہے کہ داعش کے ناجائز قبضے کے خاتمے کے بعد، اس دہشت گرد گروہ سے وابستہ بچے کچے عناصر اور سرغنے عراق کے دیالہ، کرکوک، نینوا، صلاح الدین اور الانبار صوبوں میں روپوش ہوگئے ہیں جو وقفے وقفے سے دہشت گردانہ کاروائیاں بھی انجام دیتے رہتے ہیں۔