SAHAR

صیہونی حکومت نے کہا ہے کہ آج صبح فلسطین کی مزاحمتی فورسز کےساتھ لڑائی میں چار صیہونی فوجی ہلاک اور دو فوجی افسر زخمی ہوگئے

سحر نیوز/ عالم اسلام: موصولہ رپورٹوں کے مطابق جمعے کی صبح شمالی غزہ میں غاصب صیہونی فوجیوں اور فلسطین کی مزاحتمی قوتوں کے درمیان لڑائی میں مزید چار صیہونی فوجی افسر ہلاک ہوئے ہيں اور اس طرح سے غزہ پر زمینی حملے شروع ہونے کے بعد سے اب تک، چوبیس صیہونی فوجی ہلاک ہوچکے ہيں-

غاصب صیہونی فوج نے ان جانی نقصانات کے بعد ایک بیان میں غزہ ميں اپنی پیشقدمی اور تحریک حماس کے ایک سو پچاس ٹھکانوں پر حملے کا دعوی کیا ہے-

غاصب صیہونی فوج کے ترجمان ڈینیل ہگاری نے اعتراف کیا ہے کہ طوفان الاقصی آپریشن کے آغاز سے اب تک ہلاک ہونے والے صیہونی فوجیوں کی مجموعی تعداد تین سو بتیس ہوگئی ہے جبکہ دو سوبتیس کو یرغمال بنالیا ہے