حماس نے ہم پر کاری ضرب لگائی اور ہمیں اپنے مشن میں ناکامی ہوئی: صیہونی فوجی کمانڈر کا اعتراف
غاصب صیہونی فوج کے کمانڈر نے اعتراف کیا ہے کہ ہم غزہ میں حماس کے خلاف بہت پیچیدہ، مشکل اور بھاری اخراجات والی جنگ جاری رکھے ہوئے ہیں۔
سحر نیوز/ عالم اسلام: جنوبی محاذ میں صیہونی فوجی کمانڈر یارون فینکلمان نے کہا ہے کہ غزہ میں ہمیں حماس کے خلاف بہت پیچیدہ، مشکل اور بھاری اخراجات والی جنگ کا سامنا ہے۔ غزہ کے قریب ایک نامعلوم علاقے میں ایک ٹینک کے پاس سے گفتگو کرتے ہوئے اس صیہونی فوجی کمانڈر نے دعوی کیا کہ بہت عرصےکے بعد ہماری فوج پہلی بار غزہ شہر میں جنگ کر رہی ہے ۔ اس صیہونی فوجی کمانڈر نے اعتراف کیا کہ ایک مہینہ قبل حماس نے ہم پر حملہ کر کے ہمیں کاری ضرب لگائی تھی۔ اس وحشتناک دن ہمیں اپنے مشن میں ناکامی ہوئی اور اس ناگوار صورتحال سے میرے تن بدن میں آگ لگ گئی ۔
اس صیہونی فوجی کمانڈر نے دعوی کیا کہ اس وقت جنگ شروع ہوگئی اور اس کے اہداف بھی معین ہوگئے جو کہ حماس کی نابودی اور قیدیوں کی واپسی پر مشتمل تھے۔
