شام میں امریکہ کے مزید 4 فوجی ہلاک
شام کے مشرقی علاقے میں استقامتی فورسز کے تازہ ترین آپریشن میں 4 امریکی فوجی ہلاک ہوگئے ہیں۔
سحر نیوز/ عالم اسلام: استقامتی فورسز نے مشرقی شام میں واقع کونیکو گیس فیلڈ میں امریکی فوجی اڈے پر میزائل سے حملہ کیا جس کے نتیجے میں 4 امریکی فوجی ہلاک ہوگئے ہیں۔ استقامت نے الشدادی فوجی اڈے پر بھی حملہ کیا ہے۔ پینٹاگون نے اب تک بیس سے زیادہ فوجیوں کی ہلاکت اور پچاس سے زیادہ کے زخمی ہونے کی تصدیق کر دی ہے۔
مشرقی شام میں واقع کونیکو گیس فیلڈ پر استقامتی گروہوں کے حملے میں چار امریکی فوجی ہلاک ہوئے ہیں۔ یہ واقعہ غاصب امریکی فوجیوں کے ساتھ شام اور عراق کی استقامت کی جھڑپوں میں اہم سنگ میل ثابت ہوسکتا ہے۔
غزہ پر صیہونی فوج کے وحشیانہ حملون کے بعد شام اور عراق میں امریکی فوجی اڈوں پر استقامتی محاذ کے گروہوں کے حملوں میں اضافہ ہوگیا ہے اور خود پینٹاگون نے اعتراف کیا ہے کہ اب تک اس کے ساٹھ سے زائد فوجی مارے جاچکے ہیں۔
