صیہونی فوجیوں پر القسام کے تازہ ترین حملے، صیہونیوں کو بھاری جانی نقصان (ویڈیو)
فلسطین کی تحریک حماس کے فوجی بازو القسام بریگیڈ نے منگل کی رات اپنی ایک رپورٹ میں اپنی مختلف کارروائیوں کا ذکر کرتے ہوئے اعلان کیا ہے کہ القسام بریگیڈ نے صیہونی فوج کو بھاری نقصان پہنچایا ہے۔
سحرنیوز/عالم اسلام: سما نیوز ایجنسی کی رپورٹ کے مطابق القسام بریگیڈ کے نوجوانوں نے گذشتہ چوبیس گھنٹے کے دوران غاصب صیہونی حکومت کی جارح فوج کی بارہ گاڑیوں کو نقصان پہنچایا۔ رپورٹ میں بتایا گيا ہے کہ ان کارروائیوں میں چوبیس صیہونی فوجی ہلاک اور سترہ دیگر زخمی ہوئے۔ تحریک استقامت کے مجاہدین نے اسی طرح ان تین عمارتوں کو تباہ کر دیا جہاں صیہونی فوج نے پناہ لے رکھی تھی۔ القسام کے نوجوانوں نے اسی طرح دشمن کے متعدد فوجی ہیڈکوارٹر اور جنگی ساز و سامان کو نقصان پہنچایا۔ رپورٹ کے مطاق القسام کے نوجوانوں اور صیہونی فوجیوں کے درمیان مختلف علاقوں میں شدید جھڑپیں ہوئیں۔
