SAHAR

غزہ کے خلاف وحشیانہ صیہونی جارحیت کا سلسلہ بدستور جاری ہے جہاں مرکزی اور جنوبی غزہ پر صیہونی بمباری میں متعدد فلسطینی شہید ہو گئے۔

سحرنیوز/عالم اسلام: ارنا کی رپورٹ کے مطابق صیہونی فوجیوں نے غزہ کے شمال میں جبالیا کیمپ کو جارحیت کا نشانہ بنایا۔ جنوبی غزہ میں خان یونس اور رفح کے شمال میں زرعی اراضی کو بھی جارحیت کا نشانہ بنایا گیا۔ غزہ کے وسط میں النصیرات کیمپ میں ایک عمارت پر بھی صیہونی جارحیت میں کئی فلسطینی شہید و زخمی ہوئے ہیں۔

صیہونی جنگی طیاروں نے رفح کے شمال میں واقع یبنا کیمپ پر بھی بمباری کی جس میں کافی نقصان ہوا۔ غزہ میں فلسطین کی وزارت صحت نے اعلان کیا ہے کہ سات اکتوبر سے اب تک صیہونی جارحیت و بربریت میں شہید ہونے والے فلسطینیوں کی تعداد انتیس ہزار تین سو تیرہ ہوچکی ہے جبکہ انہتر ہزار تین سو تینتیس دیگر زخمی ہوئے ہیں۔