رمضان المبارک: صحت بخش عذائیں اور مشروبات
رمضان المبارک میں سحر و افطار کے موقع پر صحت بخش غذاؤں اور مشروبات کا استعمال کیا جائے۔
سحرنیوز/ عالم اسلام: رمضان المبارک کی آمد کے ساتھ ہی گھروں اور باورچی خانوں کی رونق میں کئی گنا اضافہ ہو جاتا ہے۔ خاص طور سے افطار کے وقت دسترخوان انواع و اقسام کے کھانوں اور مشروبات سے سج جاتا ہے۔ تلی ہوئی اور چٹ پٹی چیزیں بہت سے لوگوں کی افطاری کا اٹوٹ حصہ ہوتی ہیں۔
ویسے تو ہمیشہ ہی متوازن اور صحت بخش غذا ضروری ہے لیکن سحر و افطار میں اس کا خاص خیال رکھنا ضروری ہے اور کھانے میں اعتدال قائم رکھنا بھی بہت اہمیت کا حامل ہے۔
اگر اعتدال سے کام نہ لیا جائے اور غذاؤں اور مشروبات کے انتخاب میں احتیاط نہیں برتی تو پھر رمضان کا مقصد بھی فوت ہوجائے گا۔
آئیے کجھ مفید مشروبات پر ایک نظر ڈالتے ہیں:
پانی
یہ مشروبات کا بادشاہ ہے کیونکہ یہ جسم کو ہائیڈریشن فراہم کرتا ہے، توانائی فراہم کرتا ہے اور ہاضمے میں مدد کرتا ہے۔
کھجور اور دودھ
یہ ان بہترین مشروبات میں سے ایک ہے جس کا استعمال افطار کے لیے یقینی بنانا چاہیے۔ ہم چند کھجوروں کو ایک کپ ملائی والے دودھ میں بھگو کر تقریباً 12 گھنٹے کے لیے چھوڑ سکتے ہیں۔ پھر اس مفید مشروب سے افطار کریں۔
خوبانی کا رس
خوبانی فائبر اور وٹامن اے سے بھرپور ہوتی ہے۔ خوبانی میں ریٹینول بھی ہوتا ہے جو کہ جسم میں آسانی سے جذب ہونے والا مادہ ہے اور ہاضمے کے عمل کو بڑھاتا ہے۔
کیلے کا ملک شیک
کیلے پوٹاشیم، فائبر اور وٹامن سی اور بی 6 سے بھرپور ہوتے ہیں۔ آپ دودھ کے ساتھ ایک سے دو کیلے ملا کر ناشتے کے دوران اس مزیدار شیک کا ایک گلاس پی سکتے ہیں۔ یہ آپ کو زبردست توانائی دے گا اور اگلے دن روزہ رکھنے میں آپ کی مدد کرے گا۔
بادام کا ملک شیک
اس مشروب کو تیار کرنے کے لیے آپ 10 سے 12 باداموں کو ایک کپ پانی میں رات بھر بھگو دیں، پھر بادام کو چھیل لیں۔ اس کے بعد ایک کپ دودھ کو بھگوئے ہوئے بادام، ایک چمچ شہد اور الائچی کے ساتھ شیک کر لیں۔ یہ مشروب غذائی فوائد سے بھرپور ہے، جو آپ کو اگلے دن روزہ رکھنے کے لیے درکار توانائی فراہم کرتا ہے۔
پودینہ لیمونیڈ
لیموں، پانی اور پودینے کے پتوں سے بنا یہ ایک بہت مفید مشروب ہے جسے افطار کے دوران پیا جا سکتا ہے۔ یہ وٹامن سی اور فائبر سے بھرپور مشروب ہے اور آپ اس مرکب میں ایک چمچ شہد بھی شامل کر سکتے ہیں۔ اس مشروب کا ایک گلاس دن بھر کے روزے کے بعد آپ کو صحت یابی اور توانائی دینے کے لیے کافی ہے۔
