حزب اللہ کی طاقت سے اسرائیل پر لرزہ طاری
صیہونی جنرل کا کہنا ہے کہ حزب اللہ پر کوئی بھی حملہ اسرائیل کے لیے خوفناک تباہی کا باعث بنے گا۔
سحر نیوز/ عالم اسلام: صیہونی حکومت کے ایک ریزرو جنرل کا کہنا ہے کہ شمال میں ہماری بستیوں کی تباہی، اس تباہی کے مقابلے میں کچھ بھی نہیں جو ایک ہی وقت میں چھ محاذوں پر ایک ہمہ گیر علاقائی جنگ کے طور پر رونما ہو گی۔
اسرائیلی فوج کے ریزرو جنرل اسحاق برِیک نے نتن یاہو کی کابینہ کی شمالی بستیوں پر آنے والی "آفت" کے بارے میں خاموشی کے ساتھ ساتھ حزب اللہ کے راکٹوں کے خوف سے بھاگنے والے آباد کاروں کے لیے کوئی حل تلاش کرنے میں ان کی واضح نااہلی پر تنقید کی۔
بریک نے مزید کہا: کسی کو "اسرائیلی عوام" کو ایک اور تباہی کے بارے میں سچ بتانا چاہیے جو شمال میں ایک اور جنگ شروع ہونے کی صورت میں ان پر مسلط ہوگی۔
انہوں نے کہا: حزب اللہ لبنان اسرائیل کے داخلی محاذ پر روزانہ 3000 سے زیادہ میزائل اور ڈرون داغے گی اور بنیادی ڈھانچے اور فوجی اڈوں کو نشانہ بنانے کے لیے اپنی تمام طاقت استعمال کرے گی۔
اس صیہونی جنرل نے کہا: شمال میں ہماری بستیوں کی تباہی، اس تباہی کے مقابلے میں کچھ بھی نہیں ہے جو محاذ کے چھ شعبوں میں ایک ہمہ گیر علاقائی جنگ کے ساتھ ہوتی ہے۔
بریک نے زور دے کر کہا کہ شمالی بستیوں میں ہونے والی تباہی پر نظر رکھنے والے یہ سمجھ لیں گے کہ حکومت کے پاس حزب اللہ کے میزائلوں، راکٹوں اور ڈرونز کے خلاف کوئی حقیقی دفاع نہیں ہے۔
