یمنی مسلح افواج کا بحیرہ احمر میں ایک اور بحری جہاز پر حملہ + ویڈیو
یمنی فوج کے ترجمان نے کہا ہے کہ صہیونی بندرگاہوں کی جانب جانے پر عائد پابندی کی خلاف ورزی کرنے کی وجہ سے بحیرہ احمر میں اس بحری جہاز پر میزائل اور ڈرون سے حملہ کیا گیا ہے۔
سحرنیوز/عالم اسلام: مہر خبررساں ایجنسی نے المسیرہ کے حوالے سے کہا ہے کہ یمنی فوج نے بحیرہ احمر میں اس بحری جہاز پر میزائل اور ڈرون حملہ کرنے کا دعوی کیا ہے۔
یمنی فوجی ترجمان میجر جنرل یحیی سریع نے کہا ہے کہ یمنی فوج کی جانب سے صہیونی بندرگاہوں کی طرف جانے پر عائد پابندی کی خلاف ورزی پر بحیرہ احمر میں بحری جہاز کے خلاف کارروائی کی گئی ہے۔
انہوں نے کہا کہ پیر کی شب یمنی فوج نے تجارتی جہاز BLUE LAGOON پر میزائل اور ڈرون طیاروں کے ذریعے حملہ کیا ہے۔ مذکورہ جہاز یمنی فوج کے انتباہ کو نظرانداز کرتے ہوئے صہیونی بندرگاہوں کی طرف جا رہی تھی۔
جنرل یحیی سریع نے کہا کہ یمنی فوج کے میزائل اور ڈرون طیاروں نے جہاز کو کامیابی کے ساتھ نشانہ بنایا۔
انہوں نے تاکید کی کہ غزہ پر صہیونی حکومت کی جارحیت ختم ہونے تک بحیرہ احمر اور خلیج عمان میں صہیونی بندرگاہوں کی جانب جانے والی کشتیوں پر حملے جاری رہیں گے۔
