لبنان: بیروت کے علاقہ ضاحیہ پر غاصب صیہونی حکومت کی جارحیت جاری
Oct ۰۱, ۲۰۲۴ ۰۸:۳۱ Asia/Tehran
اسرائیل کی جنگی کابینہ کی جانب سے لبنان میں زمینی کارروائی شروع کرنے پر اتفاق کئے جانے کے چند گھنٹے بعد، اسرائیلی حکومت نے بیروت کے نواحی علاقوں کو سات بار فضائی حملوں کا نشانہ بنایا۔
سحرنیوز/عالم اسلام: تسنیم نیوز ایجنسی کے مطابق، خبری ذرائع نے بیروت کے جنوبی علاقے ضاحیہ میں متعدد دھماکوں کی آوازیں سنے جانے کی خبر دی ہے۔ خبر رساں ذرائع نے بتایا ہے کہ صیہونی حکومت نے بیروت کے جنوب میں ضاحیہ کے علاقے کو سات بار اپنے فضائی حملوں کا نشانہ بنایا ہے۔ کچھ گھنٹے قبل معاریو اخبار نے اعلان کیا تھا کہ صیہونی حکومت کی جنگی کابینہ کے وزراء نے کچھ دیر قبل ایک اجلاس میں لبنان کے خلاف آپریشن کے دوسرے مرحلے پر باضابطہ طور پر اتفاق کیا ہے۔
صیہونی حکومت کے عبری ذرائع کی رپورٹ کے مطابق صیہونی فوج لبنان کے خلاف زمینی کارروائی کی تیاری کر رہی ہے۔
