SAHAR

صہیونی فوج نے شمالی سرحدوں پر حزب اللہ کے ساتھ جھڑپوں میں تین افسروں کی ہلاکت کی تصدیق کی ہے۔

سحرنیوز/عالم اسلام: مہر خبررساں ایجنسی نے فلسطینی ذرائع ابلاغ کے حوالے سے کہا ہے کہ لبنانی مقاومتی تنظیم حزب اللہ اور صہیونی فورسز کے درمیان شمالی سرحدوں پر سخت لڑائی جاری ہے۔
صہیونی فوج نے حزب اللہ کے ساتھ لڑائی کے دوران اپنے تین افسران کی ہلاکت کی تصدیق کی ہے۔  صہیونی فوج نے ہلاک ہونے والے افسران کے نام بھی جاری کیے ہیں جس کے مطابق اوی بروسٹائن، روی متنیاہو اور ننتنئل ہرشکوویچ مختلف مقامات پر مجاہدین کے ساتھ جھڑپوں میں ہلاک ہوگئے ہیں۔
دریں اثناء غزہ کے شمال میں جبالیا کیمپ کے اطراف میں القسام کے جوانوں نے صہیونی فوجیوں پر گھات لگا کر حملہ کیا جس میں صہیونی فوجی بریگیڈ 5460 کے کمانڈر اور کئی فوجی ہلاک ہوگئے ہیں۔