SAHAR

فلسطین کی اسلامی مزاحمتی تحریک حماس نے جنگ بندی کی نئی تجویز کی موافقت کی اطلاع ثالثین کو دے دی ہے۔

سحرنیوز/عالم اسلام: فلسطین کی اسلامی استقامتی تنظیم حماس نے ایک بیان جاری کرکے اعلان کیا ہے کہ اس نے فلسطین کی دیگر مزاحمتی تنظیموں سے مشاورت کے بعد غزہ میں جنگ بندی کے لئے ثالثین کی نئی تجویز کی موافقت کردی ہے اور اس کی اطلاع ثالثین کو دے دی ہے۔ حماس نے اسی کے ساتھ اس تجویز پر عمل درآمد کے حوالے سے مذاکرات کے لئے مکمل آمادگی کا اعلان بھی کیا ہے۔