مقبوضہ فلسطین کے ریلوے اسٹیشنوں پر ابوعبیدہ کی تقریر اور فلسطینی نغمے ہوئے نشر، اسرائیلی انٹلی جنس کے پھولے ہاتھ پیر
مقبوضہ فلسطین کے ریلوے اسٹیشنوں پر ہیکرز نے ابوعبیدہ کی تقریر اور فلسطینی نغمے نشر کئے۔
سحرنیوز/عالم اسلام: اسرائیلی چینل 14 نے خبر دی ہے کہ نامعلوم ہیکرز نے مقبوضہ فلسطین کے مرکزی ریلوے اسٹیشن کے پبلک لاؤڈ اسپیکر سسٹم پر کنٹرول حاصل کر لیا۔ اس دوران القسام بریگیڈز کے ترجمان ابوعبیدہ کی تقریر اور فلسطینی نغمے نشر کئے گئے، جسے صہیونی آبادکاروں نے ریکارڈ کیا۔
اسرائیلی ذرائع ابلاغ کے مطابق یہ واقعہ مختلف شہروں میں پیش آیا، جہاں اسٹیشنوں کے قریب سے گزرنے والے افراد کو عربی زبان میں جملے، خطرے کے سائرن اور فلسطینی نغمے سننے کو ملے۔
ہمیں فالو کریں :
Follow us: Facebook, X, instagram, tiktok
اسرائیلی وزارتِ ٹرانسپورٹ نے اعلان کیا ہے کہ اس سائبر حملے کے مرکز کی شناخت کے لئے تحقیقات جاری ہیں۔
فلسطینی انفارمیشن سینٹر کے مطابق ابتدائی اندازوں میں کہا گیا ہے کہ اربن ڈیجیٹل کمپنی کے اشتہاری نظام کو نشانہ بنایا گیا ہے، جسے ماضی میں بھی اسی نوعیت کے حملوں کا سامنا کرنا پڑا تھا۔
