داعش دہشت گرد عناصر کی عراقی جیلوں میں منتقلی، عراق اور علاقے کی سلامتی کے پیش نظر کی جا رہی ہے: محمد شیاع السودانی

Jan ۲۵, ۲۰۲۶ ۱۹:۵۳ Asia/Tehran

عراق کے وزیراعظم محمد شیاع السودانی نے کہا ہے کہ داعش کے دہشت گرد عناصر کی عراقی جیلوں میں عارضی منتقلی، عراق کی قومی اور علاقے کی سلامتی کے پیش نظر کی جا رہی ہے۔

سحرنیوز/عالم اسلام: عراق کے وزیر اعظم نے آج اقوام متحدہ کے معاون سیکریٹری جنرل برائے آپریشنل سپورٹ اتول کہاری سے ملاقات کی۔ اس ملاقات میں انہوں نے کہا ہے کہ داعش کے دہشت گرد عناصر کی عراقی جیلوں میں عارضی منتقلی، عراق کی قومی اور علاقے کی سلامتی کے پیش نظر کی جا رہی ہے۔

انہوں نےاس بات پر زور دیا کہ عراق نے ذمہ داری کے ساتھ دہشت گردانہ سرگرمیوں کو روکنے کے لیے صحیح راہ حل فراہم کرنے کی اپنی صلاحیت کو ثابت کیا اور متعلقہ ممالک کو چاہیے کہ وہ اپنے شہریوں کو داعش گروہ سے نکال کر انھیں کیفر کردار تک پہنچائیں۔

ہمیں فالو کریں:

بغداد الیوم کے مطابق اس ملاقات میں عراقی وزیر اعظم نے اپنے عوام کو در پیش مختلف چیلنجوں سے مقابلہ کرنے کیلئےاقوام متحدہ کے اہم کردار کی قدردانی کرتے ہوئے عراق میں اقوام متحدہ کے تمام اداروں اور ترقیاتی پروگراموں میں تعاون جاری رکھنے پر زور دیا۔