SAHAR

لبنان کی حزب التوحید کے سربراہ نے حزب اللہ کی جانب سے شام میں دروزی فرقے کے مفادات کی حمایت اور دفاع کو بنیادی اہمیت کا حامل قرار دیا ہے-

میڈل ایسٹ نیوز ویب سائٹ کی رپورٹ کے مطابق لبنان کی حزب التوحید کے سربراہ وئاب وہاب نے جمعے کو کہا ہے کہ شام میں حزب اللہ نے ہمیشہ دروزی فرقے کی حمایت کی ہے اور ان کے مفادات کا دفاع صرف حزب اللہ کے مرکزی کردار سے ہی ممکن ہے-

وئاب وہاب نے مزید کہا کہ شام کے دروزی اس ملک میں ہی رہیں گے اور وہ شامی حکومت اور فوج کی حمایت کرتے ہیں کیونکہ وہ جانتے ہیں کہ داعش اور جبھۃ النصرہ جیسے دہشت گرد گروہ، اقلیتوں کے سلسلے میں ہر طرح کے جرائم کا ارتکاب کرتے ہیں-

 لبنان کی حزب التوحید کے سربراہ نے کہا کہ جولان کی پہاڑیوں پر واقع حضر دیہات کہ جہاں دروزی افراد رہتے ہیں، وہاں مسلح گروہوں کے داخل ہونے کے لیے ہر قسم کی کوشش، لبنان، فلسطین اور شام کی سرحدی مثلث میں دھماکے کے مترادف ہو گی-

 وئام وہاب نے تاکید کے ساتھ کہا کہ شامی دروزیوں کے بارے میں لبنان کی سوشلست ترقی پسند پارٹی کے سربراہ ولید جنبلاط کے ساتھ ان کا اختلاف، طرفین کے درمیان جنگ کا باعث نہیں بنے گا اور ہر فریق اپنے موقف کے لحاظ سے اس مسئلے کو دیکھتا ہے-