ترجمان وزارت خارجہ کی جانب سے لبنان پر حملے اور المنار ٹی وی کے میزبان کے قتل کی شدید مذمت

Jan ۲۷, ۲۰۲۶ ۱۹:۴۱ Asia/Tehran

اسلامی جمہوریہ ایران کی وزارت خارجہ کے ترجمان نے لبنان پر حملے اور المنار ٹی وی کے میزبان علی نورالدین کے قتل جیسے مجرمانہ اقدام کی شدید مذمت کی ہے۔

سحرنیوز/ایران: وزارت خارجہ کے ترجمان اسماعیل بقائی نے علی نورالدین کی شہادت پر ان کے اہل خانہ اور لبنان کی صحافتی برادری سے تعزیت کرتے ہوئے کہا کہ صہیونی حکومت کا یہ اقدام ایک گھناؤنا اور دہشت گردانہ جرم ہے، جو صحافیوں کے تحفظ سے متعلق بین الاقوامی قانون کے بنیادی اصولوں کی کھلی خلاف ورزی ہے۔

انہوں نے زور دیا کہ عالمی برادری، اقوام متحدہ اور بین الاقوامی قانونی و فوجداری اداروں کی ذمہ داری ہے کہ وہ صہیونی حکومت کے جرائم کی تحقیقات کریں اور اسے جوابدہ ٹھہرائیں۔

ہمیں فالو کریں:

ترجمان وزارت خارجہ اسماعیل بقائی نے اس بات کی بھی نشاندہی کی کہ صہیونی حکومت نومبر دو ہزار چوبیس میں طے پانے والے جنگ بندی معاہدے کی مسلسل خلاف ورزی کر رہی ہے اور لبنان کی قومی خودمختاری اور علاقائی سالمیت پر بار بار حملے کر رہی ہے۔ انہوں نے کہا کہ خطے کے ممالک اور عالمی برادری پر مشترکہ ذمہ داری عائد ہوتی ہے کہ وہ صہیونی حکومت کی قانون شکنی اور جنگی اقدامات کا مقابلہ کریں-