SAHAR

عراق کی عوامی رضاکار فورس نے صوبہ الانبار میں امریکہ کی ممکنہ زمینی مداخلت کو تکفیری دہشت گرد گروہوں کے فائدے میں قرار دیا ہے۔

براثا نیوز ایجنسی کی رپورٹ کے مطابق عراق کی عوامی فورس کے ترجمان کریم النوری نے کہا ہے کہ صوبہ الانبار میں امریکہ کی زمینی مداخلت، داعش کے خلاف جنگ میں رکاوٹ بنے گی اور اس مداخلت سے دہشت گرد گروہ داعش کو فائدہ پہنچے گا-

کریم النوری نے کہا کہ عراق کی موجودہ صورتحال سے غلط فائدہ اٹھاتے ہوئے امریکہ عراق پر اپنے مطالبات مسلط نہ کرے- النوری نے کہا کہ عوامی فورس صوبہ الانبار سے باہر نہیں جائے گی کیوں کہ وہ عراق کے لئے لڑ رہی ہے اور مرجع تقلید(آیت اللہ العظمی سیستانی) کے فتوے پر عمل کرتے ہوئے، داعش کے خلاف میدان میں اتری ہے-
عراق کی عوامی فورس کے ترجمان نے کہا کہ عوامی رضاکار فورس، بین الاقوامی اتحاد کے رکن ممالک کے ساتھ حکومت عراق کے معاہدوں کا احترام کرتی ہے لیکن قومی مفادات کے منافی مطالبات مسلط کرنے کے لئے ان معاہدوں سے غلط فائدہ اٹھائے جانے کی اجازت نہیں دے گی۔