SAHAR

خلیل حیہ نے مزید کہا کہ محدود خود مختار فلسطینی انتظامیہ کو سیاسی فیصلے کرنے کے سلسلے میں منہ زوری اور ہٹ دھرمی سے دستبردار ہو جانا چاہئے۔

خلیل حیہ نے مسئلہ فلسطین سے متعلق بعض عرب ممالک اور محدود خود مختار فلسطینی انتظامیہ کے مواقف کو اپنی تنقید کا نشانہ بناتے ہوئے یہ سوال اٹھایا کہ غزہ پٹی کے فلسطینیوں کو ادویات، پانی اور بجلی سے محروم کیوں رکھا جا رہا ہے اور رفح میں ان کی زمینوں اور پانی کے ذخائر کو کیوں تباہ و برباد کیا جا رہا ہے؟ تحریک حماس کے سیاسی دفتر کے رکن خلیل حیہ کا کہنا تھا کہ عرب قوم اور ملت اسلامیہ کو مسجد الاقصی کی حمایت کے لئے خواب غفلت سے بیدار ہو جانا چاہئے۔ خلیل حیہ کا مزید کہنا تھا کہ فلسطینی قوم کو خطرناک سازش کا سامنا ہے۔