SAHAR

خبری ذرائع نے اطلاع دی ہے کہ سعودی فرمانروا شاہ سلمان کو سخت علیل ہونے کے بعد انہیں اسپتال میں داخل کرایا گیا ہے جہاں انہیں انتہائی نگہداشت میں رکھا گیا ہے

ایک ایسے وقت جب یمن کے بے گناہ شہریوں پر سعودی عرب کے وحشیانہ حملے جاری ہیں سعودی بادشاہ سلمان بن عبدالعزیز کی جسمانی حالت انتہائی ابتر ہوگئی ہے اور انہیں دارالحکومت ریاض کے ایک اسپتال میں ڈاکٹروں کی انتہائی نگہداشت میں رکھا گیا ہے -

صیہونی حکومت کی نیوز ویب سائٹ دبکا نے لکھا ہے کہ شاہ سلمان ذہنی اعتبار سے مائوف ہوجانے کی بیماری میں مبتلا ہیں پچھلے کچھ عرصے سے جنونی فیصلے کررہے تھے اور ان کا ذہن اس حدتک ماؤف ہوجاتاتھاکہ وہ اپنے آّپ کو بھی نقصان پہنچانے سے گریز نہیں کرتے تھے -

صہیونی حکومت کی نیوز ویب سائٹ دبکا نے لکھا ہے کہ سعودی بادشاہ کی سخت علالت کے باعث پچھلے تین ہفتے سے سعودی حکومت کی کابینہ کا اجلاس نہیں ہوسکا ہے - سعودی عرب کو اس وقت جہاں شاہ سلمان کی علالت سے پیدا ہونےوالی مشکلات کا سامنا ہے وہیں ولیعہد اور وزیرداخلہ محد بن نائف اور ولیعہد کے جانشین اور وزیردفاع محمد بن سلمان کے درمیان اقتدار کی جنگ سے پیدا ہونےوالی مشکل صورتحال کا بھی سامنا ہے - ان دونوں میں شہزادوں کے درمیان جنگ یمن کو کس طرح جاری رکھا جائے اس معاملے پر بھی تلوار کھینچی ہوئی ہے