SAHAR

شام کی پارلیمنٹ کے اسپیکر نے مشرق وسطی کے بعض عرب ملکوں پر دہشت گردی کی حمایت کا الزام لگایا ہے-

العالم کی رپورٹ کے مطابق شام کی پارلیمنٹ کے اسپیکر محمد جہاد اللحام نے دارالحکومت دمشق میں فرانسیسی وفد کے ساتھ ملاقات میں کہا کہ علاقے کے بعض عرب ممالک شام میں بحران کو ہوا دینے میں کوشاں ہیں اور یہ ممالک، ہزاروں تکفیری دہشت گردوں کو ہتھیار اور ٹریننگ دینے اور آمدو رفت کی سہولتیں فراہم کرنے میں بھی اہم رول ادا کر رہے ہیں-

محمد جہاد اللحام نے کہا کہ شام کو ظالمانہ جنگ کا سامنا ہے- فرانسیسی وفد کے سربراہ Thierry Mariani نے بھی اس ملاقات میں کہا کہ فرانس کے وفد کے دورہ شام کامقصد، اس ملک کی صورتحال کی حقیقت سے آگاہ ہونا ہے- انہوں نے مشرق وسطی کے علاقے میں دہشت گردی سے مقابلے کی کوششوں کی اہمیت پر تاکید کی-