SAHAR

اسلامی ریڈیو ٹیلی ویژن یونین نے جمعے کو اعلان کیا کہ عرب سیٹ کمپنی صیہونیوں کے خلاف بلند ہونے والی صدائے استقامت کو دبانے کی کوشش کر رہی ہے

اسلامی ریڈیو ٹیلی ویژن کی یونین نے جمعے کو اپنے ایک بیان میں کہا کہ عرب سیٹ کمپنی لے لبنان کے المنار ٹی وی کی نشریات بند کر کے صیہونیت اور تکفیریت کے خلاف استقامت کی آواز کو دبانے کی کوشش کی ہے-

بیان میں آیا ہے کہ ہم المنار ٹی وی چینل کی حق و حقیقت پر مبنی آواز دبانے کی ظالمانہ کوششوں کی مذمت کرتے ہیں- اسلامی ریڈیو ٹیلی ویژن کی یونین نے المنار ٹی وی کے ساتھ یکجہتی کا اظہار کرتے ہوئے تاکید کی ہے کہ عرب سیٹ کمپنی کی کوشش ہے کہ استقامت کے ذرائع ابلاغ کو مشکلات سے دوچار کرے اور ان کی فعالیت کو روکے لیکن استقامت کی روش کا مقابلہ کرنے کی اس کی پالیسی پہلے سے ہی ناکام ہے-

اسلامی ریڈیو ٹیلی ویژن کی یونین نے اپنے بیان میں مظلوم قوموں اور مستضعفین کی حمایت کے اصولوں کے دفاع ، اتحاد و یکجہتی کے تحفظ ، تکفیریت کے فتنوں کو ختم کرنے اور صیہونی سازشوں کا مقابلہ کرنے کی ضرورت پر تاکید کی ہے-

عرب سیٹ کمپنی جو عرب مواصلات و انفارمیشن ٹیکنالوجی کے ادارے سے متعلق ہے عرب لیگ کے زیر نگرانی کام کرتی ہے اورعرب لیگ کے تمام رکن ممالک کو اس پر مالکانہ حق حاصل ہے لیکن اس میں سب سے زیادہ شیئر یعنی چھتیس فیصد سعودی عرب کا ہے اور اس کا صدر دفتر ریاض میں ہے-