پی کےکے، کےٹھکانوں پر ترک فضائیہ کی بمباری
ترکی کے لڑاکاطیاروں نے شمالی عراق میں پی کے کے کے ٹھکانوں پر بمباری کی ہے
ترکی کی فوج نے اپنی ویب سائٹ پر خبر دی ہے کہ ترکی کے بائیس جنگی طیاروں نے شمالی عراق میں کوہ قندیل، افشین اور پاسیان کے علاقوں میں پی کےکے،کے ٹھکانوں پر بمباری کی -
ترکی کے ذرائع ابلاغ نے بھی بریکینگ نیوز میں ترک فضائیہ کی اس کارروائی کی خبر دی ہے- ترک فضائیہ نے شمالی عراق میں یہ کارروائی ایک ایسے وقت کی ہے جب ترک فوج نے ملک کے اندر کرد آبادی والے علاقوں خاص طور پر صوبہ دیار بکر میں کرد چھاپہ ماروں کےخلاف اپنی کارروائیوں کادائرہ وسیع کر دیا ہے-
ترکی کے جنوب مشرقی علاقوں سےخبر ہے کہ کرد آبادی والے شہروں اورعلاقوں میں کردوں کے خلاف ترک فوج کی غیر معمولی کارروائیاں پوری شدت کے ساتھ جاری ہیں جن کے نتیجے میں بڑی تعداد میں کرد چھاپہ مار اور ترک فوجی مارے گئے ہیں -
-ترک فوج کی کارروائیوں کے نتیجے میں ترکی کے جنوب مشرقی علاقوں کے بہت سے لوگ بےگھر بھی ہوئے ہیں -
