خیبر پختونخوا: دھماکوں میں 2 جاں بحق 6 زخمی
Feb ۱۲, ۲۰۱۷ ۱۳:۲۰ Asia/Tehran
پاکستان کے صوبہ خیبر پختونخوا میں آج صبح ہونے والے دو دھماکوں میں2 افراد جاں بحق اور 6 زخمی ہوگئے۔
آج صبح بونیر میں بارودی سرنگ کے دھماکے میں 2 افراد جاں بحق اور ایک زخمی ہوگئے ہیں۔ بارودی سرنگ کا دھماکہ بونیر کے علاقے خائستہ بابا میں ہوا۔ پولیس کے مطابق جاں بحق ہونیوالوں میں 2 سگے بھائی شامل ہیں جبکہ اس دھماکے میں ان کی بہن زخمی ہوگئی ۔
ادھرباجوڑایجنسی کی تحصیل ماموند میں سڑک کنارے نصب ایک بم کوناکاہ بنادیا گیا جبکہ دوسرا بم ناکارہ بنانے کے دوران پھٹ گیا جس سے سکیورٹی اہلکار زخمی ہوگئے۔ زخمی ہونے والے اہلکاروں کو فوری طور پر ہسپتال منتقل کردیا گیا ۔
سکیورٹی فورسز نے علاقے کو گھیرے میں لیکر سرچ آپریشن شروع کردیا ہے۔
