خیبرایجنسی: جیٹ طیاروں کی بمباری 5 دہشت گرد ہلاک
Feb ۲۲, ۲۰۱۷ ۰۹:۲۰ Asia/Tehran
پاکستانی فضائیہ کے طیاروں نے خیبرایجنسی میں شدت پسندوں کے ٹھکانوں پر بمباری کر کے 5 دہشت گردوں کو ہلاک اور متعددکوزخمی کردیا۔
پاکستانی فوج کے شعبہ تعلقات عامہ (آئی ایس پی آر) کے مطابق پاک ستانی فضائیہ کے جیٹ طیاروں نے آج خیبر ایجنسی میں وادی تیراہ کے علاقے راجگاہ میں شدت پسندوں کے ٹھکانوں پر بمباری کی جس کے نتیجے میں 5 دہشت گرد ہلاک اور متعدد زخمی ہو گئے۔
آئی ایس پی آر کے مطابق بمباری کے نتیجے میں شدت پسندوں کے 3 ٹھکانے بھی تباہ ہوئے جبکہ کارروائی میں ہلاک ہونے والے دہشت گردوں کا تعلق کالعدم لشکر اسلام اور داعش سے ہے۔
