SAHAR

لاہور کے پوش علاقے ڈیفنس میں پر اسرار دھماکے کے نتیجے میں 8 افراد جاں بحق اور 15 زخمی ہوئےہیں۔

میڈیا رپورٹس کے مطابق لاہور کے علاقے ڈیفنس زیڈ بلاک کی مارکیٹ میں زور دار دھماکا ہوا جس کے نتیجے میں 8افراد جاں بحق او ر 15 زخمی ہو گئے جنہیں طبی امداد کیلئے ہسپتال روانہ کر دیا گیا ہے ۔ دھماکے کے بعد امدادی ٹیمیں اور قانون نافذ کرنے والے اداروں کے اہلکار جائے حادثہ کی جانب روان ہو گئے ہیں ۔

دھماکے کے بعد قانون نافذ کرنے والے اداروں نے علاقے کو گھیرے میں لے لیا ہے اور پولیس کی مزید نفری طلب کر لی گئی ہے جبکہ سرچ آپریشن کا بھی آغاز کر دیا گیا ہے ۔

دھماکے کے حوالے سے متعدد دعوے کئے جا رہے ہیں کچھ کا کہنا ہے کہ دھماکہ جنریٹر کا دھماکہ ہے جبکہ کچھ کا کہنا ہے کہ دھماکہ تخریب کاری اور دہشتگردی کا نتیجہ ہے۔ بہرحال دھماکے کی نوعیت کا تعین کیا جا رہا ہے۔