SAHAR

پاراچنارشہر کے وسط میں دھماکے کے نتیجے میں 53 افراد جاں بحق اور زخمی ہو گئے ہیں۔ زخمیوں کو ہسپتال منتقل کر دیا گیا ہے ۔

پارا چنار کے مرکزی کرم بازار میں واقع نور مارکیٹ میں عین اس وقت دھماکا ہوا جب لوگوں کی بڑی تعداد خریداری میں مصروف تھے۔ دھماکے کے نتیجے میں 13 افراد کے جاں بحق اور 40 کے زخمی ہونے کی اطلاعات ہیں ۔ دھماکہ اس قدر شدید تھا کہ اس کی آواز دور دور تک سنائی گئی جبکہ دھویں کے بادل بھی دور دور تک دکھائی دے رہے ہیں۔

زخمیوں کو ڈی ایچ کیو اسپتال منتقل کردیا گیا ہے جہاں انہیں طبی امداد فراہم کی جارہی ہے۔ اسپتال حکام نے اب تک 13 افراد کے جاں بحق ہونے کی تصدیق کردی ہے، جن میں خواتین اور بچے بھی شامل ہیں۔