دھرنے کے شرکا کو آخری وارننگ
اسلام آباد ہائی کورٹ کے حکم پر ضلعی انتظامیہ نے تحریک لبیک یا رسول اللہ کے عہدیداروں کو آ خری وارننگ لیٹر جاری کر دیا ہے۔
ذرائع کے مطابق وزارت داخلہ کے حکم پر ڈپٹی کمشنر نے دھرنے کی قیادت کو مجموعی طور پر تین نوٹس جاری کئے، آخری وارننگ نوٹس رات گئے پہنچا دیا گیا وزارت داخلہ کو رپورٹ پیش کی گئی کہ اگر طاقت کے زور سے دھرنا ختم کروانا ہے تو پولیس تیار ہے تاہم ابتدائی طور پر وارننگ نوٹس جاری کئے گئے جو دھرنے کی قیادت کے سربراہ مولانا خادم حسین رضوی تک بھی پہنچا دیئے گئے ہیں۔
فیض آباد میں پولیس کی بھاری نفری تعینات ہے ضلعی انتظامیہ نے ایف سی کو بھی طلب کرلیا ہے۔
تحریک لبیک یارسول اللہ کے ترجمان علامہ عبداللطیف قادری نے کہا کہ فیض آباد انٹر چینج خالی کرنے کے سلسلے میں کوئی نوٹس نہیں ملا، انہوں نے کہا کہ شرکا کے حوصلے بلند ہیں اور اپنے مطالبات سے پیچھے نہیں ہٹیں گے۔
واضح رہے کہ ہائیکورٹ نے مذہبی جماعتوں کو فیض آباد انٹرچینج پر گैشتہ 8 روز سے جاری دھرنا ختم کرنے کا حکم دے دیا۔
مذہبی جماعتوں نے فیض آباد انٹرچینج پر گزشتہ 8 روز سے دھرنا دے رکھا ہے، دھرنے کے شرکا ختم نبوت سے متعلق آئینی شقوں میں رد و بدل کرنے والوں کے خلاف کارروائی اور وزیر قانون زاہد حامد کے استعفیٰ کا مطالبہ کر رہے ہیں ۔
