اسکردو میں سخت سردی کے باوجود دھرنا
دھرنے سے خطاب کرتے ہوئے مقررین کا کہنا تھا کہ حکومت ایکشن کمیٹی اور انجمن تاجران کے ساتھ ہونے والے معاہدے کے عین مطابق عمل کرے بصورت دیگر حکومت کی بساط لپیٹ دی جائے گی۔
یادگار شہداء اسکردو پر خون جما دینے والی سردی کے باوجود 16 دنوں غیر قانونی ٹیکس کے خلاف احتجاج جاری رہے۔ علامتی دھرنے کے سہولویں روز شرکاء جلسہ سے خطاب کرتے ہوئے مجلس وحدت مسلمین،عوامی ایکشن کمیٹی اور انجمن تاجران کے رہنماوں نے حکومت کو اڑتالیس گھنٹوں کے اندر ٹیکس کے خاتمے کا نوٹیفکیشن جاری نہ کرنے کی صورت میں موجودہ صوبائی حکومت کے خلاف تحریک چلانے کا اعلان کر دیا۔
انہوں نے کہا کہ ٹیکس کا خاتمہ تو کسی صورت ہوگا کیونکہ پاکستان آرمی کی یقین دہانی پر لانگ مارچ روندو سے ختم کیا گیا تھا۔ اب حکومت نئی چال چلانے کی کوشش کرے تو ٹیکس کے ساتھ ساتھ حکومت کے خاتمے کے لیے بھی تحریک چلائی جائے گی۔
مقررین نے کہا کہ موجودہ صوبائی حکومت کی عوام دشمن پالیسیوں کے سبب پورے خطے کے عوام انکے مخالف ہوچکے ہیں۔ یہاں کے غریب عوام پر ٹیکس کا نفاذ انتہائی ظالمانہ عمل تھا۔
