پاکستان نے دو سیٹلائٹس لانچ کردیے
Jul ۱۰, ۲۰۱۸ ۰۷:۴۷ Asia/Tehran
پاکستان نے مقامی وسائل سے تیار کردہ 2 سیٹلائٹس خلا میں بھیج دیے۔
پاکستان کی وزارت خارجہ کے ترجمان ڈاکٹرمحمدفیصل کا کہنا ہے کہ پاکستان نے بڑی کامیابی کے ساتھ 2 سیٹلائٹ لانچ کردیئے ہیں، دونوں سیٹلائٹ مکمل طور پر پاکستان میں ہی تیار کئے گئے ہیں۔
ترجمان دفترِخارجہ کا اس حوالے سے کہنا تھا کہ سیٹلائٹ کی تیاری سے پاکستان کا کمرشل انحصار انتہائی کم ہو جائے گا اور ان سیٹلائٹ کی لانچنگ سے ڈیٹا کلیکشن ،پلاننگ اور ریسورس مینجمنٹ بہتر ہو گی۔
ڈاکٹرفیصل کے مطابق سیٹلائٹس میں جی پی ایس اور جی آئی ایس کی سہولیات ہیں اور ان کے ذریعے سیلاب اور قحط جیسے چیلنجز سے نمٹنے، بارش کے پانی کی مقدار کو جانچنا، اسٹوریج پلاننگ اور پاکستان میں جنگلات کی صورتحال اور پلاننگ میں مدد ملے گی۔
