SAHAR

پاکستان کے سابق وزیر اعظم علاج کے لئے لندن جارہے ہیں ۔

پاکستانی ذرائع نے بتایا ہے کہ سابق وزیراعظم نواز شریف اور اپوزیشن لیڈر اور ن لیگ کے صدر شہباز شریف اتوار کو قومی ائرلائن کی پرواز سے لندن جائیں گے ۔اس رپورٹ کے مطابق شریف فیملی نےنواز شریف کے علاج کے لیے نیویارک میں بھی ڈاکٹروں سے بات چیت شروع کردی ہے ۔

اس سے قبل یہ خبر بھی آئی تھی کہ تحریک انصاف کی حکومت نے نواز شریف کا نام ایگزکٹ کنٹرول لسٹ سے ہٹانے کا فیصلہ کرلیا ہے ۔

شہباز شریف نے وزارت داخلہ میں سابق وزیراعظم نواز شریف کا نام ای سی ایل سے ہٹانے کے لیے درخواست دی تھی ۔

واضح رہے کہ جمعے کو میاں نواز شریف کی بیٹی مریم نواز نے چودھری شوگر ملز کیس میں احتساب عدالت میں پیشی کے بعد صحافیوں سے گفتگو میں کہا تھا کہ ان کے والد کی طبیعت پہلے سے بہت زیادہ خراب ہوگئی ہے ۔