SAHAR

وزیر اعظم عمران خان نے کہا ہے کہ رمضان المبارک کے دوران مساجد کھولنے کے مخالفین نے بہت شور مچایا لیکن ایس او پیز کی پابندی کے ساتھ مساجد کو کھولا گیا اور مساجد سے کورونا نہیں پھیلا۔ 

انہوں نے کہا کہ عوام کو کورونا وائرس سے متعلق ضروری معلومات اور آگاہی فراہم کرنے کی ضرورت ہے۔ 

وزیر ا‏عظم عمران خان نے کہا کہ پاکستان مزید لاک ڈاؤن کا متحمل نہیں ہو سکتا۔ 

انہوں نے کہا کہ ہم لاک ڈاؤن کی طرف واپس نہیں جا سکتے۔ عمران خان نے کہا کہ ہمیں پتہ تھا کہ لاک ڈاؤن ہٹے گا تو کورونا پھیلے گا۔

ان کا کہنا تھا کہ کورونا وائرس کو پھیلنا ہے، وہ پھیلے گا مگر ہم لوگوں کو کمرے میں بند نہیں کرسکتے تاہم زیادہ متاثر ہونے والے علاقوں کو سیل کیا جا سکتا ہے۔ 

پاکستان کے وزیر اعظم نے کہا کہ لاک ڈاؤن سے غریب ملکوں میں تباہی آگئی ہے۔ ان کا کہنا تھا کہ پاکستان میں لاک ڈاؤن کی وجہ سے ٹیکس کی وصولیابی میں آٹھ سو ارب روپے کی کمی آئی ہے۔ 

پاکستان کے وزیر اعظم نے کہا کہ مہنگائی بہت تیزی کے ساتھ بڑھ رہی ہے اور آئندہ بجٹ میں حکومت کو بڑے چیلنجوں کا سامنا کرنا پڑے گا۔