پاکستان کےنو منتخب وزیراعظم شہبازشریف کا دورہ کراچی
پاکستان کے نو منتخب وزیراعظم شہبازشریف عہدہ سنبھالنے کے بعد اپنے پہلے اندرون ملک دورے میں کراچی پہنچ گئے۔
ہمارے نمائندے کی رپورٹ کے مطابق کراچی میں پاکستان ایئر فورس کے فیصل ایئر بیس پر وزیر اعلی سندھ مراد علی شاہ اور دیگر رہنماؤں نے ان کا استقبال کیا۔
رپورٹ کے مطابق پاکستان کے نو منتخب وزیراعظم شہباز شریف کراچی پہنچنے کے بعد پہلے ہیلی کاپٹر کے ذریعے بانی پاکستان قائد اعظم محمد علی جناح کے مزار پہنچے، جہاں انہوں نے ان کے مزار پر حاضری دی اور فاتحہ خوانی کی۔ اس موقع پر سیکورٹی کے سخت انتظامات کئے گئے تھے۔
وزیر اعظم شہباز شریف کے ساتھ اس دورے میں سابق وزیر اعظم شاہد خاقان عباسی، مریم اورنگزیب، مفتاح اسماعیل، خالد مقبول صدیقی اور دیگر رہنما بھی کراچی پہنچے ہیں۔ وزیر اعلی سندھ کے دفتر میں ترقیاتی منصوبوں اور امن و امان سے متعلق سے مشاورتی اجلاسوں کی صدارت بھی شہباز شریف کے دورہ کراچی میں شامل ہے۔ ہمارے نمائندے کے مطابق کراچی میں مختلف مقامات پر شہباز شریف کے استقبال میں بینرز اور جھنڈے لگائۓ گئے تھے۔
