SAHAR

پاکستان پیپلز پارٹی کے چیئرمین بلاول بھٹو زرداری نے پاکستان کے وزیر خارجہ کی حیثیت سے اپنے عہدے کا حلف اٹھالیا۔

رپورٹ کے مطابق ایوانِ صدر اسلام اباد میں منعقدہ ایک تقریب میں چیئرمین بلاول بھٹو زرداری سے صدر ڈاکٹر عارف علوی نے حلف لیا۔ صدر پاکستان عارف علوی اور وزیر اعظم شہباز شریف نے وفاقی وزیر بلاول بھٹو سے حلف برداری کے بعد مصافحہ کیا۔

بلاول بھٹو زرداری کی حلف برداری کی تقریب میں صدر پیپلز پارٹی پارلیمنٹیرین آصف علی زرداری اور آصفہ بھٹو زرداری بھی موجود تھے۔ تقریب حلف برداری میں وزیر داخلہ رانا ثناء اللّٰہ، نوید قمر، شیری رحمٰن، خورشید شاہ، وزیر مملکت خارجہ امور حنا ربانی کھر اور سلیم مانڈوی نے بھی شرکت کی۔

واضح رہے کہ بلاول بھٹو زرداری پاکستان کے کم عمر ترین وزیر خارجہ بن گئے ہیں۔