SAHAR

پاکستان کے سابق وزیر اعظم عمران خان نے آزادی مارچ کی تیاری کا اعلان کیا ہے

پاکستان تحریک انصاف کے چیئرمین اور سابق وزیر اعظم عمران خان نے سوشل میڈیا پر ایک ویڈیو پیغام جاری کر کے کہا کہ وہ ملک کے عوام کو بقول ان کے حقیقی آزادی مارچ کے لئے تیار کر رہے ہیں۔

انہوں نے پاکستانی عوام سے کہا ہے کہ وہ منگل کو شہیدوں اور غازیوں کے شہر جہلم جا رہے ہیں۔ انہوں نے کہا کہ ان کے مختلف شہروں کے دوروں کا مقصد عوام کو اس مارچ کے لئے تیار کرنا ہے جس کا مقصد انہوں نے حقیقی آزادی کا حصول بتایا ہے۔ عمران خان نے ایک بار پھر کہا ہے کہ ملک کے عوام کو بتا دینا چاہئے کہ بیرونی سازش کے ذریعے مسلط کی گئی حکومت انہیں منظور نہیں ہے۔

انہوں نے امید ظاہر کی ہے کہ عوام ان کے حقیقی آزادی مارچ میں شرکت کریں گے۔