پاکستان: محمود خان اچکزئی قومی اسمبلی میں قائد حزب اختلاف مقرر

Jan ۱۶, ۲۰۲۶ ۱۴:۰۷ Asia/Tehran

پاکستان میں اپوزیشن رہنما محمود خان اچکزئی کو قومی اسمبلی میں قائد حزب اختلاف مقرر کردیا گیا ہے۔

سحرنیوز/پاکستان: پاکستانی میڈیا کے مطابق قومی اسمبلی کے اسپیکر ایاز صادق نے اپوزیشن رہنما کی تقرری کا نوٹیفکیشن جاری کردیا جس کی رو سے اپوزیشن اتحاد "تحریکِ تحفظِ آئینِ پاکستان" کے رہنما محمود خان اچکزئی قومی اسمبلی میں قائد حزب اختلاف بن گئے ہیں۔ محمود خان اچکزئی کی تقرری سولہ جنوری 2026 سے نافذالعمل ہوگی۔

اپوزیشن رہنما کا عہدہ 9 مئی کیس میں عمر ایوب خان کی نااہلی کے بعد خالی ہوا تھا۔

ہمیں فالو کریں:

"پشتونخوا ملی عوامی پارٹی" کے سربراہ اور اپوزیشن اتحاد "تحریکِ تحفظِ آئینِ پاکستان" کے رہنما محمود خان اچکزئی کو پی ٹی آئی کے بانی عمران خان نے اپوزیشن لیڈر نامزد کیا تھا۔