SAHAR

پاکستان کے معروف کوہ پیما سرباز علی نے اپنے کیرئیر کی بارہویں آٹھ ہزار میٹر سے بلند چوٹی سرکرکے، ریکارڈ قائم کردیا ۔

میڈیا رپورٹوں کے مطابق پاکستان کے ٹریکنگ اسٹار سربازعلی نے جمعے کی صبح آٹھ ہزار اسی میٹر بلند چوٹی گیشر برم ون کو سر کیا۔ اس مہم کو سرکرنے کے بعد سرباز علی آٹھ ہزار میٹر سے بلند چوٹیاں بارہ بار سر کرنے والے پہلے پاکستانی کوہ پیما بن گئے ۔
پاکستان کے بتیس سالہ کوہ پیما سرباز علی نے اس سے قبل رواں سال میں ہی کنچن جونگا اور مکالو چوٹیوں کو سرکیا تھا۔ انہوں نے دو ہزار سترہ میں نانگا پربت اور دو ہزار اٹھارہ میں کے ٹو کی چوٹیاں اور دو ہزار انیس میں لوٹسے، براڈ پیک اور مناسلو کی چوٹیاں سر کی تھیں۔
سرباز علی نے دو ہزار اکیس میں انا پورنا، ایوریسٹ، گیشر برم ٹو اور داو لاگیری کی چوٹیاں سرکی تھیں۔