SAHAR

پاکستان کی سپریم کورٹ نے پی ٹی آئی کے لانگ مارچ کے مسئلے میں مداخلت کرنے سے انکار کردیا۔

اسلام آباد سے موصولہ رپورٹ کے مطابق پاکستان کی سپریم کورٹ نے عمران خان کی جماعت پی ٹی آئی کے لانگ مارچ کے خلاف درخواست کو، غیر موثر قرار دے دیا۔ چیف جسٹس عمر عطا بندیال کی سربراہی میں، تین رکنی بینچ نے لانگ مارچ کے خلاف درخواست کی سماعت کی ۔
سپریم کورٹ کے تین رکنی بینچ نے اس درخواست کو غیر موثر قرار دیتے ہوئے کہا کہ اگر حالات خراب ہوئے تو نئی درخواست دائر کی جاسکتی ہے۔
چیف جسٹس عمر عطا بندیال نے ریمارکس دیئے کہ عدالت، اس وقت مداخلت کرے گی جب آئین کی خلاف ورزی کا خطرہ ہو گا۔