SAHAR

پاکستان کے صوبہ خیبرپختونخوا کے ضلع شمالی وزیرستان میں خودکش دھماکے میں 2 شہری اور ایک سیکورٹی اہلکار جاں بحق ہو گیا۔

سحر نیوز/ پاکستان: پاکستان کی فوج کے شعبہ تعلقات عامہ "آئی ایس پی آر" کی جانب سے جاری بیان کے مطابق ضلع شمالی وزیرستان کے شہری علاقے میران شاہ میں ایک خود کش دھماکا ہوا۔

آئی ایس پی آر نے بتایا کہ خود کش دھماکے کے نتیجے میں پاکستانی فوج کا ایک نائیک جاں بحق ہو گیا۔

بیان میں کہا گیا کہ خود کش دھماکے میں مزید دو شہری بھی جاں بحق اور ایک زخمی ہوگیا۔

واضح رہے کہ اس سے قبل 16 دسمبر کو بھی ضلع شمالی وزیرستان کے علاقے میران شاہ میں گزشتہ روز ہونے والے خودکش دھماکے میں ایک شہری اور ایک فوجی جوان جاں بحق ہو گیا تھا۔