عدلیہ سے اظہار یکجہتی کےلئے پی ٹی آئی کی ریلی
Mar ۰۸, ۲۰۲۳ ۱۰:۴۶ Asia/Tehran
پاکستان تحریک انصاف کی جانب سے آج زمان پارک لاہور سے دوپہر ایک بجے ریلی نکالی جائے گی۔
سحر نیوز/ پاکستان: پاکستان تحریک انصاف (پی ٹی آئی) نے اپنی انتخابی مہم کے آغاز کے لیے آج زمان پارک سے داتا دربار تک نکالی جانے والی ریلی عدلیہ سے اظہار یکجہتی کے نام کرنےکا اعلان کیا ہے جبکہ اپنی انتخابی مہم کا آغاز ہفتے تک مؤخر کر دیا۔
ریلی فیروز پور روڈ سے ہوتی ہوئی داتا دربار پر ختم ہوگی، عمران خان ریلی کی قیادت کریں گے۔
پی ٹی آئی رہنما فواد چوہدری کا کہنا ہے کہ ریلی آئین اور عدلیہ سے اظہار یکجہتی کے لیے نکالی جائے گی۔
پی ٹی آئی رہنما حماد اظہر نے کہا کہ پاکستان کا اصلی شیر آج زمان پارک سے نکلے گا۔
دوسری جانب محکمہ داخلہ پنجاب نے ریلی سے متعلق پی ٹی آئی کو خط لکھ کر موجودہ صورتحال میں زیادہ حفاظتی انتظامات کرنے کی ہدایت کی ہے۔
