پاکستان: سیکیورٹی فورسز اور دہشت گردوں میں فائرنگ, 8 دہشت گرد ہلاک
Mar ۱۶, ۲۰۲۳ ۰۹:۰۲ Asia/Tehran
آئی ایس پی آر کے مطابق فائرنگ کے تبادلے کے دوران بدقسمتی سے 2 بچے جاں بحق ہوئے ہیں۔
سحر نیوز/پاکستان: پاکستانی میڈیا کے مطابق جنوبی وزیرستان کے علاقے زنغارہ میں سیکیورٹی فورسز اور دہشت گردوں کے درمیان فائرنگ کے تبادلے میں 8 مبینہ دہشت گرد مارے گئے۔
پاکستانی فوج کے شعبۂ تعلقات عامہ (آئی ایس پی آر) کے مطابق جنوبی وزیرستان کے علاقے زنغارہ میں دہشت گردوں کی موجودگی کی اطلاع پر آپریشن کیا گیا۔
آئی ایس پی آر کا کہنا ہے کہ آپریشن میں سیکیورٹی فورسز کے 2 جوان زخمی ہوئے جبکہ فائرنگ کے تبادلے کے دوران بدقسمتی سے 2 بچے بھی جاں بحق ہوگئے۔
