اسلامیہ یونیورسٹی بھاولپور سکینڈل، ھولناک انکشافات
پولیس نے اسلامیہ یونیورسٹی بھاولپور کے ایک اور اعلی اہلکار کو منشیات کے استعمال، اس کی طالب علموں کے درمیان فروخت اور طالبات کے ساتھ جنسی پارٹیوں کے انعقاد کے جرم میں گرفتار کر لیا ہے۔
سحرنیوز/ہندوستان: پولیس رپورٹ کے مطابق انکشاف کیا گیا ہے کہ یونیورسٹی میں اساتذہ کا ایک گروپ منشیات کی فروخت اور خواتین اساتید اور طالبات کے جنسی استحصال میں ملوث ہے۔
پولیس نے یونیورسٹی ٹرانسپورٹ کے انچارج کو گرفتار کرکے اس کے قبضے سے منیشات برآمد کر لی ہے۔
28جون کو بغداد الجدید پولیس نے یونیورسٹی مالیات کے سربراہ کو گرفتار کرکے اس سے منشیات برآمد کی تھی۔ جمعہ کے دن پولیس نے یونیورسٹی کے چیف سیکورٹی آفیسر کو گرفتار کیا تھا جس کے قبضے سے منشیات، طالبات کی نازیبا تصاویر، جنسی ادویات برآمد ہوئی تھیں۔ پولیس رپورٹ میں انکشاف کیا گیا ہے کہ گرفتار شدہ یونیورسٹی اہلکار منشیات فروخت کے جرم کے علاوہ طالبات اور خواتین اساتید کو بلیک میل کرنے میں بھی ملوث تھے۔
یونیورسٹی مالیات کے سربراہ نے اعتراف کرتے ہوئے کہا ہے کہ وہ یونیورسٹی اساتذہ کے ایک گروپ کے ساتھ مل کر منشیات کی خرید، اس کی یونیورسٹی سٹوڈنٹس میں فروخت اور ڈانس/سیکس پارٹیوں کا انعقاد کرتے تھے اور یہ پارٹیاں یونیورسٹی کے اندر اور باہر ہوتی تھیں۔
رپورٹ میں انکشاف کیا گیا ہے کہ یونیورسٹی اساتذہ کا ایک گروپ یونیورسٹی کی طالبات کو آئس، شراب اور چرس دے کر بلیک میل کرتا تھا اور یہ سارے کام یونیورسٹی کے سیکورٹی چیف کی مدد سے انجام دئیے جا رہے تھے۔
