SAHAR

کراچی پولیس نے دعوی کیا ہے کہ اس نے ہندوستانی جاسوس اکھل دیو اور اس کے مقامی سہولت کار کو لیاری سے گرفتار کر لیا ہے-

سحرنیوز/پاکستان: پاکستانی میڈیا کی رپورٹ کے مطابق سٹی ایس ایس پی عارف عزیز نے بتایا کہ پولیس اور انٹیلی جنس ایجنسی کے مشترکہ آپریشن میں کالاکوٹ کے علاقے سے ایک ہندوستانی جاسوس اکھل دیو اور اس کے مقامی سہولت کار ظہوراحمد کو گرفتار کر لیا ہے۔ پولیس کے اعلان کے مطابق گرفتار ہونے والے افراد سے ہندوستانی پاسپورٹ، پسٹل، غیر ملکی کرنسی، چھ موبائل فون، ٹیبلٹ اور دوسرا سامان پولیس نے اپنی تحویل میں لے لیا ہے۔ ایس ایس پی پولیس کے مطابق اکھل دیو ہندوستانی جاسوس ہے اور اس نے ملک کے اندر کئی اہم مقامات اور تنصیابت کی جاسوسی کی ہے۔