SAHAR

پاکستان نے ترکمنستان کو ہرا کر سینٹرل ایشین والی بال چیمپئن شپ کا ٹائٹل اپنے نام کرلیا۔

سحرنیوز/ پاکستان: پاکستانی میڈیا کے مطابق سینٹرل ایشین والی بال چیمپئن شپ کا فائنل پاکستان اور ترکمنستان کے درمیان کھیلا گیا، جس میں پاکستان نے تین سیٹ جیتے جبکہ ترکمنستان کی ٹیم صرف ایک راؤنڈ کو ہی اپنے نام کر پائی۔

پاکستان کی ٹیم نے فائنل میچ میں پہلے دوسرے اور چوتھے سیٹ کو اپنے نام کیا جس میں اُس نے بالترتیب پچیس اکیس، پچیس انیس اور پچیس چودہ سے اپنے حریف کو مغلوب کیا جبکہ تیسرے سیٹ میں بیس پچیس سے وہ اپنے حریف کی مغلوب قرار پائی۔

اس چیمپیئن شپ میں قرقیزستان نے سری لنکا کو شکست دے کر تیسری پوزیشن حاصل کی۔ کھیل کے اختتام پر وفاقی وزیر احسن اقبال نے کھلاڑیوں میں انعامات تقسیم کئے جبکہ مختلف ممالک سے سفرا نے بھی فائنل میچ دیکھا۔